தலைவர் : நேதாஜி சுபாஷ் சந்திரபோஸ்

நேதாஜி சுபாஷ் சந்திரபோஸ்

"இந்திய ராணுவம் என்னும் படையை அமைத்து உலகையே திரும்பி பார்க்க வாய்த்த மாபெரும் தலைவர் நேதாஜி சுபாஷ் சந்திர போஸ் ஆவார்."

இளமை காலம் :

நேதாஜி 23 ஜனவரி 1897-ல் கட்டாக்கில் பிறந்தார்.
சுபாஷ் சந்திர போஸின் தந்தையர் ஜானகிநாத் போஸ், இவர் ஒரு வழக்கறிஞர். தயார் பிரபாவதி தேவி.
1911-ஆம் ஆண்டு கல்கத்தா மாகாணத்தில் நடைபெற்ற மெட்ரிகுலேஷன் தேர்வில் இரண்டாம் இடம் பிடித்தார்.
பின்னர், பிரஸிடெண்சி கல்லூரியில் சேர்ந்தார். அங்கு பேராசிரியர் ஒட்டன் (Professor Oaten) இந்தியாவிற்கு எதிராக பேசியதை கேட்ட போஸ் பேராசிரியரை தாக்கினார். இதனால், கல்லூரியை விட்டு வெளியேற்றப்பட்டார்.
பின்னர், ஸ்காட்டிஷ் சர்ச் கல்லூரியில் சேர்ந்து 1918-ஆம் ஆண்டு B.A., தத்துவத்தில் பட்டம் பெற்றார்.
1919-ஆம் ஆண்டு பிரிட்டனுக்கு சென்றார். கேம்பிரிட்ஜ் என்ற இடத்தில் உள்ள பிட்ஸ் வில்லியம் கல்லூரியில் சேர்ந்தார்.
1920-ல் ஜூனில் நடந்த ICS (Imperial Civil Service Examination) எழுதி, அதில் நான்காவதாக வந்தார்.

நேதாஜி ஆங்கிலேயரின் கீழ் பணியாற்ற விரும்பவில்லை. எனவே, அவர் தனது பணியை 1921-ல் ராஜினாமா செய்துவிட்டு, இந்தியா வந்தார்.

அரசியல் பிரவேசம்:

"ஸ்வராஜ்" என்னும் செய்தித்தாளை தொடங்கினார்.
"சித்தரஞ்சன் தாஸ்" அவர்களை தனது அரசியல் வழிகாட்டியாக கொண்டார்.
1923-ஆம் ஆண்டு அகில இந்திய இளைஞர் காங்கிரஸின் தலைவராகவும், வங்காள மாநில காங்கிரஸின் செயலாளராகவும் தேர்ந்தெடுக்கப்பட்டார்.
சித்தரஞ்சன் தாஸ் தொடங்கிய பார்வர்ட் (Forward) என்னும் செய்தித்தாளின் ஆசிரியராக விளங்கினார். 1924-ஆம் ஆண்டு கல்கத்தாவின் மேயராக தேர்ந்தெடுக்கப்பட்டார். 1925-ஆம் ஆண்டு நேதாஜி அவர்கள் கைது செய்யப்பட்டு மாண்டலே சிறையில் அடைக்கப்பட்டார். அங்கு அவர் என்புருக்கி நோயால் (Tuberculosis) பாதிக்கப்பட்டார்.
1927-ஆம் ஆண்டு போஸ் விடுதலை செய்யப்பட்டார். காங்கிரஸ் கட்சியின் பொதுச்செயலாளராக பதவியேற்றார். ஜவஹர்லால் நேருவுடன் இணைந்து நாட்டு விடுதலைக்காக உழைத்தார்.
1928-ல் ஏப்ரலில் இந்திய சுதந்திர லீக் (Independence of India League) ஜவஹர்லால் நேரு மற்றும் நேதாஜி சுபாஷ் சந்திர போஸை செயலாளர்களாகவும், எஸ்.ஸ்ரீனிவாச ஐயங்காரை தலைவராகவும் கொண்டு தொடங்கப்பட்டது.
நேதாஜி சட்டமறுப்பு இயக்கத்தில் பங்கேற்று சிறை சென்றார். இந்த காலக்கட்டத்தில் மிகப்பெரிய தலைவராக உயர்ந்தார்.
1930-ஆம் ஆண்டு கல்கத்தாவின் மேயராக தேர்ந்தெடுக்கப்பட்டார்.
1930-ஆம் ஆண்டின் மத்தியப்பகுதியில் ஐரோப்பாவிற்கு சென்றார். அங்கு பயில்கின்ற இந்திய மாணவர்களை சந்தித்தார். முசோலினியையும் சந்தித்தார்.
இக்காலகட்டத்தில் நேதாஜி "இந்தியாவின் போராட்டம்" (The Indian Struggle) என்ற நூலினை எழுதினார். இப்புத்தகம் 1920-1934 வரையிலான இந்திய சுதந்திர போராட்ட நிகழ்வுகளை எடுத்துரைத்தது.
1938-ஆம் ஆண்டு நேதாஜி மற்றும் ஜவஹர்லால் நேரு ஆகியோர் இணைந்து தேசிய திட்டக்குழுவினை உருவாக்கினர்.

காங்கிரஸின் தலைவராதல் :

1939-ஆம் ஆண்டு காங்கிரஸ் கட்சியின் தலைவராக தேர்ந்தெடுக்கப்பட்டார். (காந்தி பட்டாபி சித்தராமையாவை முன்னிறுத்தினார்).
1938-ஆம் ஆண்டு நடந்த ஹரிபுரா காங்கிரஸ் மாநாடு மற்றும் திரிபுரியில் 1939-ஆம் ஆண்டு நடந்த காங்கிரஸ் மாநாட்டிலும் தலைமை தாங்கினார்.
தமிழகத்தில் முத்துராமலிங்க தேவர், தென்னிந்திய வாக்குகள் அனைத்தையும் நேதாஜிக்கு ஆதரவாக திரட்டி கொடுத்தார்.
பிறகு, காங்கிரஸ் கட்சியில் ஏற்பட்ட நெருக்கடி காரணமாக நேதாஜி தலைவர் பதவியை ராஜினாமா செய்யும் நெருக்கடிக்கு உள்ளானார்.

தமிழகம் வருகை :

நேதாஜி சுபாஷ் சந்திரா போஸ் 1939-ஆம் ஆண்டு பார்வர்டு ப்ளாக் என்ற அரசியல் சார்ந்த அமைப்பை ஜுன் 22-ல் தொடங்கினார். முழுமையாக இடதுசாரிகளின் ஆதரவை பெற நினைத்தார். வங்காளத்தில் அவருக்கு பெரும் ஆதரவு கிடைத்தது.
தமிழகத்தில் நேதாஜிக்கு முழு ஆதரவு கொடுத்தவர். முத்துராமலிங்க தேவர், இவரும் பார்வர்டு ப்ளாக் கட்சியில் நினைந்தார். முத்துராமலிங்க தேவரின் கோரிக்கையை ஏற்று செப்டம்பர் 6 1939-ஆம் நாள் நேதாஜி மதுரைக்கு வருகை புரிந்த அவரை வரவேற்கும் விதமாக மிகப்பெரிய மக்கள் பேரணியை முத்துராமலிங்க தேவர் நடத்தி காட்டினார்.

ஐரோப்பாவிற்கு செலுத்தல் :

17 ஜனவரி 1941-ஆம் ஆண்டு நேதாஜி சுபாஷ் சந்திர போஸ் ஜெர்மனி செல்ல திட்டமிட்டார்.
1941 ஜனவரி 26 அன்று நேதாஜி ஆப்கானிஸ்தான் வழியாக ரஷ்யா சென்றடைந்தார்.
பின்னர், அவர் ரஷ்யாவின் மாஸ்கோவில் இருந்து ரோமிற்கு சென்றார். அங்கிருந்து, ஜெர்மனி சென்றடைந்தார். ஜெர்மனியில் இந்திய சுதந்திரம் குறித்து ஆலோசனை நடத்தினார்.
அப்போது, ஹிட்லர் சுபாஷ் சந்திரா போஸை "நேதாஜி" என புனைபெயரில் அழைத்தார்.
(நேதாஜி - மரியாதைக்குரிய தலைவர் என்பது பொருள்).
உண்மையில் சுபாஷ் சந்திரா போஸை "நேதாஜி" என அழைத்தவர் ரவீந்திரநாத் தாகூர் அவார்.
1941-ஆம் ஆண்டு நவம்பர் மாதம் நேதாஜி ஜெர்மனி வானொலியில் ஆற்றிய உரை பிரிட்டிஷ் இந்தியாவை அதிரவைத்தது.
அவர் இந்திய சுதந்திர மையத்தினை (Free India Centre) பெர்லினில் நிறுவினார்.

அச்சுப்படைகளால் கைப்பற்றப்படுவதற்கு முன்பு, வட ஆப்பிரிக்காவில் பிரிட்டிஷ்காக போராடிய இந்திய கைதிகளை மீட்டு, அவர்களை கொண்டு இந்திய படையணியை(Indian Legion) உருவாக்கினார்.

இந்திய தேசிய ராணுவம் (INA):

இந்திய தேசிய ராணுவம் (INA) சிங்கப்பூரில் 1 செப்டம்பர் 1942-ஆம் ஆண்டில் ஜெனரல் மோகன் சிங் அவர்களால் தொடங்கப்பட்டது.
இது ஜப்பானிற்கு உதவும் நோக்கதிற்காக ஏற்படுத்தப்பட்டது. இவ்வமைப்பில் இருந்த ராணுவ வீரர்கள் ஜப்பானால் (Malayan Campaign (மலையான் பிரச்சாரம்) - 8 December 1941 – 31 January 1942) & (Battle of singapore (சிங்கப்பூர் போர்) - 8 to 15 February 1942) போது கைப்பற்றப்பட்ட பிரிட்டிஷ் இந்தியா ராணுவ வீரர்கள் ஆவர்.
பின்னர், இதன் தலைவராக ராஸ் பிஹாரி போஸ் செயல்பட்டார்.
21 அக்டோபர் 1943-ஆம் ஆண்டு நேதாஜி அவர்களின் வருகைக்கு பின்னர், துவண்டுகிடந்த அப்பிரிவு விடுதலை படை என்னும் ரிதீயில் புதிய வடிவம் பெற்றது. ராஷ் பிஹாரி போஸ் அவர்கள் அமைப்பின் முழு பொறுப்பையும் நேதாஜியிடம் ஒப்படைத்தார்.
நேதாஜி புதிய ராணுவத்தை புத்தெழுச்சியுடன் உருவாக்கினார். INA-ல் தனியாக பெண்களுக்கென பிரிவு இருந்தது. "ஜான்சி ராணி ரெஜிமெண்ட்" என அழைக்கப்பட்ட அப்பிரிவின் தலைமை பொறுப்பை கேப்டன் லட்சுமி ஸ்வாமிநாதன் ஏற்றுக்கொண்டார்.
ஜப்பான், ஜெர்மனி, இத்தாலி ஆகிய நாடுகளின் உதவியுடன் 1944-ஆம் ஆண்டு பர்மாவில் நடைபெற்ற ஆங்கிலேயருக்கு எதிரான இந்தியா தேசிய ராணுவ பேரணியில் "ரத்தத்தை தாருங்கள் சுதந்திரத்தை தருகிறேன்" (Give me blood, and I shall give you Freedom) என்ற புகழ் பெற்ற வாசகத்தை கூறினார்.
"ஜெய்ஹிந்த்" என்னும் உச்சரிப்பை இந்திய தேசிய ராணுவ வீரர்களின் புத்தெழுச்சிக்காக எடுத்துரைத்தார்.
மேலும், இந்திய தேசிய படை வீரர்களை ஊக்குவிப்பதற்காக "டெல்லி சலோ" (டெல்லியை நோக்கி செல்லுங்கள்) என்ற வாசகத்தை உருவாக்கினார்.
18 ஆகஸ்ட் 1945-ல் தைபே, தைவானில் நிகழ்ந்த விமான விபத்தில் இறந்ததாக இன்றளவும் நம்பப்படுகிறது.

Quotes:

“இறைவன் நமக்கு செல்வத்தை
கொடுக்கவில்லை என்று கவலைப்படாதே.
நமக்கு உயிர் என்னும் பெரிய
செல்வத்தை கொடுத்திருக்கிறான்.
அத்தனை கொண்டு எதையும் சாதிக்கலாம்.”
- நேதாஜி சுபாஷ் சந்திரபோஸ்